BARI MU LEKA GIDA – NAFADA: DAGA HARUNA HARUNFAT GOMBE

Daga: Haruna Harunfat Gombe.

ASSALAMU ALAIKUM WA RAHMATULLAHI WA BARAKATUHU,

Hausawa na cewa “Halin abokin tafiya yana tasiri ga tafiya.” Hakika, kowa na alfahari da garinsa, kuma mu ‘yan Nafada ba za mu bari a bar mu a baya ba.

Al’ummar mu na Nafada, musamman Nafada North, lokaci ya yi da za mu tashi tsaye mu zabi wanda ya cancanta ya wakilce mu da gaskiya da amana. Domin kuwa, barewa ba za ta yi gudu ‘ya’yanta su yi rarrafe ba.

Mun san irin gudunmawar da Alhaji Hamidu Yagede (Sarkin Gabas na Gombe) ya bayar tun daga shekarun 1970 zuwa yau daga fafutukar samar da Karamar Hukumar Nafada, zuwa tallafa wa ilimi, samar da ayyukan yi, taimaka wa matasa da jari, da kuma inganta rayuwar al’umma baki ɗaya.

Yanzu lokaci ya yi da za mu cigaba da wannan kyakkyawan tarihi.

Hon. Ahmed Hamidu Yagede, ɗaya daga cikin ‘ya’yansa, mutum ne mai kishin al’umma, nagarta da hangen nesa. Ya gaji dabi’u na alheri da hidima ga jama’a, kuma ya riga ya nuna cewa yana bin sahun mahaifinsa wajen kawo cigaba da walwala.

  Shi ne zabin da zai:

* Inganta ilimi da tallafa wa matasa

* Samar da ayyukan yi

* Kawo cigaban more rayuwa

* Kare muradun al’ummar Nafada

Yanzu lokaci ya yi

Mu fito mu goyi bayan ɗan mu, mu tabbatar da cewa muryar Nafada ta samu wakilci nagari.

Kada mu bari dama ta wuce mu.

Mu zabi Hon. Ahmed Hamidu Yagede domin cigaban Nafada!